ബ്ലഡി ബർഗർ അഥവാ ദീപ്സ്



"ഡാ നിനക്കെന്താ പറ്റിയെ, നീ എന്താ മിണ്ടാതിരിക്കുന്നെ, നീ ഇങ്ങനെ ഇമോഷണൽ  ഫ്രീക്ക്  ആവരുത്, നീ എന്താ ഒറ്റക്ക് നടക്കുന്നെ? " ഇങ്ങനെഎല്ലാം ചോദിച്ചും ഹിന്ദിയിൽ കുറെ വഴക്ക് പറഞ്ഞും എന്റെ മൗനത്തിനു പിന്നിലെ കാരണവും, ചിരിക്കു പിന്നിലെ കണ്ണീരും മനസിലാക്കുന്ന, എന്നെ സ്നേഹത്തോടെ  "ബ്ലഡി  ബർഗർ  എന്നും, ഫെബ്  എന്നും വിളിക്കുന്ന " ന്റെ ദീപ്സ് . ദീപ്സ്  എന്ന് ആദ്യം തമാശക്ക് വിളിച്ചപ്പോ എനിക്കറിയില്ലായിരുന്നു ഞങ്ങളുടെ സൗഹൃദം ഇത്ര ആഴത്തിലേക്ക് പോകുമെന്ന്. എനിക്ക് ഒട്ടും പരിചിതമല്ലാതിരുന്ന കണ്ണൂരിന്റെ മണ്ണിൽ, 50ഓളം വരുന്ന അപരിചിതരുടെ ഇടയിൽനിന്നും, എന്നെ മനസിലാക്കുന്ന എന്റെ അതേ വേവ് ലെങ്ത് ഉള്ള, ഒരുപാട് സംസാരിക്കുന്ന ഒരാളെ കണ്ടെത്തി. എപ്പോഴും സംസാരിക്കുന്ന, എപ്പോഴും ചിരി ചുണ്ടിൽ സൂക്ഷിക്കുന്ന, കീ  കൊടുത്ത പാവ പോലെ തുള്ളികളിച്ചുകൊണ്ടിരിക്കുന്ന ഒരു കുട്ടി എന്നായിരുന്നു ആദ്യ ദിവസങ്ങളിൽ ദീപ്സ്നെ കുറിച്ചുള്ള എന്റെ നിരീക്ഷണം. മനസിലാക്കാൻ പ്രയാസമുള്ള, പഠിക്കാൻ ഏറെയുള്ള വ്യക്തിത്വം സൂക്ഷിക്കുന്ന ദീപ്സ് , ഒരാൾക്ക് വേറെ ഒരാളെ എത്ര സ്നേഹിക്കാൻ പറ്റും എന്ന എന്റെ ചോദ്യത്തിന്റെ ഉത്തരം കൂടിയായി. എന്റെ ചിന്നുവിന് ശേഷം എന്നെ ഇത്രയധികം മനസിലാക്കിയ എന്നെ ഇത്ര മാത്രം കെയർ  ചെയ്യുന്ന ഒരു പെണ്ണ് സുഹൃത്ത് എനിക്കുണ്ടായിട്ടില്ല. ഒരു  ഷോർട്  ഫിലിമിൽ പറയുന്ന പോലെ " ഞാൻ കുറെ കല്ലും മുള്ളും മലയും ഗർത്തങ്ങളും ഉണ്ടാക്കി ചിന്നുവിനു ശേഷം ആരെയും കടത്തി വിടണ്ട എന്ന് ഉറപ്പിച്ച ഹൃദയത്തിന്റെ വടക്കു കിഴക്കേ അറ്റത്തു എത്തി ചേർന്ന ബ്ലഡി  ബർഗർ ." ഇത് കഥയല്ല ജീവിതം ആണ്. കഥ കഴിയും ജീവിതം അങ്ങനെയല്ലല്ലോ. എന്റെ മരണം വരെ.......... 

                                                                                                                     ഫെബിൻ ജോസഫ്

Comments

Post a Comment

Popular posts from this blog

പ്രിയമുള്ള രവിക്ക്......

  പ്രിയമുള്ള രവിക്ക്....... ഒരുപാട് വർഷങ്ങൾക്കുശേഷം  ഞാൻ ഇന്നാണ് ഒരു കത്തെഴുതുന്നത്. കുറെയേറെ കത്തുകൾ മുൻപെഴുതിയിട്ടുണ്ടെങ്കിലും അന്നൊന്നുമില്ലാത്ത ഒരുതരം ശൂന്യത എനിക്കനുഭവപ്പെടുന്നു. വാക്കുകൾക്കുവേണ്ടി അന്വേഷിച്ചിട്ടും കിട്ടാതെ വരുന്ന തരം ഒരു അന്ധത എനിക്ക് പിടിപെട്ടതുപോലെ. രവി സുഖമായിരിക്കുന്നു എന്ന് വിശ്വസിക്കാനാണ് എനിക്ക് ഇഷ്ടം. ഇത്രയും നാളുകൾക്ക് ശേഷം എന്തിനീ കത്തെന്നു രവി ചിന്തിക്കുന്നുണ്ടാവും. കഴിഞ്ഞ ദിവസം, കുറത്തിമലയിൽ വെച്ച് ഞാൻ രവിയെ കണ്ടിരുന്നു. പക്ഷേ, ഒന്ന് സംസാരിക്കാൻ പോലും സാധിക്കുന്നതിനു മുൻപേ രവി അവിടെനിന്നും മറഞ്ഞിരുന്നു. രവിയുടെ കൂടെ ഉണ്ടായിരുന്നത് പത്മിനി ആയിരുന്നിരിക്കണം. രവിയുടെ എല്ലാ കഥകളും പുസ്തകങ്ങളും ഞാൻ ശേഖരിച്ചു വെച്ചിട്ടുണ്ട്. ഒന്ന് പോലും വായിച്ചു നോക്കിയിട്ടില്ലെങ്കിൽകൂടി രവിയുടെ പേരിൽ അച്ചടിച്ചു വരുന്നതൊക്കെ സൂക്ഷിച്ചു വെക്കുന്നത് പണ്ട് മുതലേ എനിക്കേറ്റവും പ്രിയപ്പെട്ട കാര്യമാണെന്ന് രവിക്കറിയാമല്ലോ... എപ്പോഴോ ചന്ദ്രേട്ടനാണ് രവി പത്മിനിയെ വിവാഹം ചെയ്ത കാര്യം എന്നെ വായിച്ചു കേൾപ്പിച്ചത്. ചന്ദ്രേട്ടൻ രവിയുടെ ഒരു വലിയ ആരാധകനാണ്. രവിയുടെ കഥകൾക്ക് പച്ചയാ...
Read more

ദിവ്യഗർഭം

'പടക്കം പൊട്ടി ഗർഭിണിയായ ആന ചരിഞ്ഞ സംഭവത്തിൽ പ്രതിഷേധവുമായി കൂടുതൽ താരങ്ങൾ,  കുറ്റവാളികളെ കണ്ടെത്തി തക്കതായ ശിക്ഷ നല്കണമെന്നു താരങ്ങൾ.' വാർത്ത അവതാരകൻ ആനയോടുള്ള കൃത്രിമ സഹതാപത്തിൽ പറഞ്ഞു നിറുത്തി. താരങ്ങളുടെ കപടസ്നേഹത്തെ ഉൾക്കൊണ്ടതുകൊണ്ട് പറഞ്ഞുപോയതാകാനും സാധ്യത ഉണ്ടെന്ന് ആയിഷുമ്മ ചിന്തിച്ചില്ല. ഇന്നെങ്കിലും തന്റെ കൊച്ചുമോളുടെ വാർത്ത കാണാൻ പറ്റും എന്ന് കരുതിയാണ് ഈ സാഹസത്തിനു മുതിർന്നത്. സാധാരണ TV യോട് ഒട്ടും മമത ഇല്ലാത്തയാളാണ്‌ ആയിഷുമ്മ വാർത്ത ചാനലുകളോട് പ്രത്യേകിച്ചും. കൊച്ചുമകൾ ജയിലിലായിട്ട് കുറച്ചധികം നാളായി. ഇതുവരെ പ്രത്യേകിച്ച് ഒരു വാർത്തയും വന്നു കണ്ടില്ല, ഉള്ളിൽ ഒരു ജീവനെ പേറുന്ന അവൾക്കു വേണ്ടി ആരും സംസാരിച്ചും കണ്ടില്ല. ആയിഷുമ്മ TV യിൽ തമ്മെ നോക്കിയിരുന്നു. വർത്തകൾക്കിടയിലെ പരസ്യംപോലും വിട്ടുകളഞ്ഞില്ല. ഇന്ന് വാർത്ത വരാൻ സാധ്യത ഉണ്ടെന്ന് പറഞ്ഞത് മോളെ പഠിപ്പിച്ച മാഷാണ്. മാഷ്ടെ മോൻ ടൗണിൽ ഒരു ചാനലിൽ ജോലിക്കാരനാണു.  'ഇനി ചില വാർത്തകൾ ഒറ്റനോട്ടത്തിൽ.  Covid രോഗികളുടെ എണ്ണം പത്തു മില്യനോട്‌ അടുക്കുന്നു.  Football കളിക്കാരിൽ ഒരു ബില്യൺ വരുമാനം നേടുന്ന ആദ്യ കളിക്കാരനാ...
Read more

പിറന്നാൾ

  നീണ്ട 12 വർഷങ്ങൾക്ക് ശേഷമാണ് അവളിൽ പുതിയൊരു ജീവൻ ഉരുവായതു.  പരാതികൾ ഇല്ലാതിരുന്നിട്ടും  ദാമ്പത്യം ദുഃഖപൂർണമാകാൻ  ഈ ഒരു കാരണം മതിയായിരുന്നു. ഇന്ന് ആ സങ്കടത്തിനു അറുതി വരുന്ന ദിവസമാണ്.  ലിസ്സമ്മയെ ലേബർ റൂമിൽ കയറ്റിയതു മുതൽ  മോനിച്ചൻ തലങ്ങും വിലങ്ങും  നടത്തമാണ്. പെട്ടന്ന് ലേബർ റൂമിൽ നിന്നും ഒരു കുഞ്ഞി ശബ്‍ദത്തെയും കൊണ്ട്  ഒരു കാറ്റ് മോനിച്ചന്റെ അടുത്ത് വന്നു.  ആ ശബ്ദത്തെ മോനിച്ചന്റെ ചെവിയുടെ  ചുവട്ടിൽ നിക്ഷേപിച്ചു കാറ്റത്തിന്റെ വഴിക്ക് പോയി. ശബ്‌ദം മോനിച്ചന്റെ ചെവിയിൽ  ളേ.... ളേ... എന്ന് മന്ത്രിച്ചു. ഒരു മാലാഖ പുറത്ത് വന്ന് പറഞ്ഞു 'ആൺകുട്ടിയാണ് '. 'ലിസമ്മ' മോനിച്ചൻ ചോദ്യം മുഴുവിപ്പിക്കും മുന്നേ, രണ്ടാളും സുഖായിരിക്കുന്നു എന്ന് പറഞ്ഞു വാതിലടഞ്ഞു. തന്റെ കുഞ്ഞിനെ കയ്യിലെടുക്കാൻ അവന്റെ മനസ് കൊതിച്ചു. അവൻ facebookൽ ഒരു പോസ്റ്റ്‌ ഇട്ടു. ഒരുപാട് ആശംസകൾ അവനെ തേടിയെത്തി. വേറെ കുഴപ്പങ്ങൾ ഒന്നുമില്ലാതിരുന്നതുകൊണ്ട് രണ്ടു ദിവസംകൊണ്ട് ഡിസ്ചാർജ് ആയി. ' ഇവനു നമ്മൾ എന്ത് പേരിടും?? ' ലിസ്സ ചോദിച്ചു. 'അലൻ' മുൻപ് എപ്പോളോ മനസ്സിൽ ഗർഭ ധരിച്ച പേരിനെ മ...
Read more