താക്കോൽ

വളരെ ദീർഘമായ ഒരു യാത്രക്കൊടുവിൽ അവന് ആ അമൂല്യമായ താക്കോൽ ലഭിച്ചു. ആ താക്കോൽ ഒരിക്കലും നഷ്ടപ്പെടാതിരിക്കാൻ അവൻ അത് അമ്മയെ ഏൽപ്പിച്ചു. അമ്മ കുറച്ച് നാൾ അത് ഏറെ കരുതലോടെ സൂക്ഷിച്ചു. അമ്മയുടെ അകാലത്തിലെ മരണം ആ താക്കോൽ എന്നന്നേക്കുമായി നഷപെടുത്തി എന്ന് അവൻ കരുതി. ഒരിക്കൽ അമ്മയുടെ ശേഖരത്തിൽ നിന്നും അവൻ ആ താക്കോൽ വീണ്ടെടുത്തു. ഇനി അത് എവിടെ സൂക്ഷിക്കുമ്മെന്നും ആരുടെ കയ്യിൽ ഏൽപ്പിക്കണം എന്നും ചിന്തിച്ച് അവൻ അത് ഉറ്റചങ്ങാതിക്ക്  കൈമാറി. പോകപോകെ ചങ്ങാതിയുടെ കരുതൽ പോരെന്നു അവന് മനസിലായി. പലപ്പോഴും ആവശ്യനേരത്തു താക്കോൽ കിട്ടാതെ വന്നു. മനസില്ലാമനസ്സോടെ അവൻ അത് വാങ്ങി. അവൻ അത്  കാമുകിക്ക് സമ്മാനിച്ചു. പ്രണയത്തിന്റെ ആദ്യ നാളുകളിൽ ലഭിച്ച കരുതലിൽ താക്കോൽ ഇനി മറ്റൊരാളെ ഏൽപ്പിക്കേണ്ടതില്ലെന്നു അവൻ ഉറപ്പിച്ചു. പക്ഷേ, സമയം വീണ്ടും വില്ലനായി, താക്കോൽ തുരുമ്പെടുക്കാൻ തുടങ്ങിയെന്നും പലപ്പോഴും ഉപയോഗിക്കാൻ പറ്റാതെ ഇരിക്കുന്നതായും അവന് ബോധ്യമായി. അവൻ താക്കോൽ അവന്റെ പ്രിയപ്പെട്ട പുസ്തകത്തിന്റെ ഉള്ളിൽ എടുത്തുവെച്ചു. അവന്റെ മുറിയിലായിരുന്നപ്പോൾ മാത്രം അവൻ താക്കോൽ ഉപയോഗിച്ചു. അവിടെ നിന്നും അവന്റെ പേഴ്സിലേക്ക് അത് സഞ്ചരിച്ചു. പലയിടത്തും അവൻ പേഴ്‌സ് മറന്നുവെക്കാനും, ചിലപ്പോഴെല്ലാം അപഹരിക്കപ്പെടാനും അത് കാരണമായി. ആരും ആ അമൂല്യ നിധി മോഷ്ടിക്കാതിരിക്കാൻ അവൻ പുരയിടത്തിൽ ഒരു വലിയ കുഴിയെടുത്തു അതിൽ ഒളിപ്പിച്ചുവെച്ചു. ഉരുൾ പൊട്ടി വന്ന കല്ലിലും മണ്ണിലും നിന്ന് കഷ്ടപ്പെട്ട് അവൻ അത് തിരിച്ചെടുത്തു. തന്റെ ചങ്കോട് അവൻ ആ താക്കോൽ തുന്നിച്ചേർത്തു.


                                   ✍️ഫെബിൻ ജോസഫ്

Comments

Post a Comment

Popular posts from this blog

പ്രിയമുള്ള രവിക്ക്......

  പ്രിയമുള്ള രവിക്ക്....... ഒരുപാട് വർഷങ്ങൾക്കുശേഷം  ഞാൻ ഇന്നാണ് ഒരു കത്തെഴുതുന്നത്. കുറെയേറെ കത്തുകൾ മുൻപെഴുതിയിട്ടുണ്ടെങ്കിലും അന്നൊന്നുമില്ലാത്ത ഒരുതരം ശൂന്യത എനിക്കനുഭവപ്പെടുന്നു. വാക്കുകൾക്കുവേണ്ടി അന്വേഷിച്ചിട്ടും കിട്ടാതെ വരുന്ന തരം ഒരു അന്ധത എനിക്ക് പിടിപെട്ടതുപോലെ. രവി സുഖമായിരിക്കുന്നു എന്ന് വിശ്വസിക്കാനാണ് എനിക്ക് ഇഷ്ടം. ഇത്രയും നാളുകൾക്ക് ശേഷം എന്തിനീ കത്തെന്നു രവി ചിന്തിക്കുന്നുണ്ടാവും. കഴിഞ്ഞ ദിവസം, കുറത്തിമലയിൽ വെച്ച് ഞാൻ രവിയെ കണ്ടിരുന്നു. പക്ഷേ, ഒന്ന് സംസാരിക്കാൻ പോലും സാധിക്കുന്നതിനു മുൻപേ രവി അവിടെനിന്നും മറഞ്ഞിരുന്നു. രവിയുടെ കൂടെ ഉണ്ടായിരുന്നത് പത്മിനി ആയിരുന്നിരിക്കണം. രവിയുടെ എല്ലാ കഥകളും പുസ്തകങ്ങളും ഞാൻ ശേഖരിച്ചു വെച്ചിട്ടുണ്ട്. ഒന്ന് പോലും വായിച്ചു നോക്കിയിട്ടില്ലെങ്കിൽകൂടി രവിയുടെ പേരിൽ അച്ചടിച്ചു വരുന്നതൊക്കെ സൂക്ഷിച്ചു വെക്കുന്നത് പണ്ട് മുതലേ എനിക്കേറ്റവും പ്രിയപ്പെട്ട കാര്യമാണെന്ന് രവിക്കറിയാമല്ലോ... എപ്പോഴോ ചന്ദ്രേട്ടനാണ് രവി പത്മിനിയെ വിവാഹം ചെയ്ത കാര്യം എന്നെ വായിച്ചു കേൾപ്പിച്ചത്. ചന്ദ്രേട്ടൻ രവിയുടെ ഒരു വലിയ ആരാധകനാണ്. രവിയുടെ കഥകൾക്ക് പച്ചയാ...
Read more

ദിവ്യഗർഭം

'പടക്കം പൊട്ടി ഗർഭിണിയായ ആന ചരിഞ്ഞ സംഭവത്തിൽ പ്രതിഷേധവുമായി കൂടുതൽ താരങ്ങൾ,  കുറ്റവാളികളെ കണ്ടെത്തി തക്കതായ ശിക്ഷ നല്കണമെന്നു താരങ്ങൾ.' വാർത്ത അവതാരകൻ ആനയോടുള്ള കൃത്രിമ സഹതാപത്തിൽ പറഞ്ഞു നിറുത്തി. താരങ്ങളുടെ കപടസ്നേഹത്തെ ഉൾക്കൊണ്ടതുകൊണ്ട് പറഞ്ഞുപോയതാകാനും സാധ്യത ഉണ്ടെന്ന് ആയിഷുമ്മ ചിന്തിച്ചില്ല. ഇന്നെങ്കിലും തന്റെ കൊച്ചുമോളുടെ വാർത്ത കാണാൻ പറ്റും എന്ന് കരുതിയാണ് ഈ സാഹസത്തിനു മുതിർന്നത്. സാധാരണ TV യോട് ഒട്ടും മമത ഇല്ലാത്തയാളാണ്‌ ആയിഷുമ്മ വാർത്ത ചാനലുകളോട് പ്രത്യേകിച്ചും. കൊച്ചുമകൾ ജയിലിലായിട്ട് കുറച്ചധികം നാളായി. ഇതുവരെ പ്രത്യേകിച്ച് ഒരു വാർത്തയും വന്നു കണ്ടില്ല, ഉള്ളിൽ ഒരു ജീവനെ പേറുന്ന അവൾക്കു വേണ്ടി ആരും സംസാരിച്ചും കണ്ടില്ല. ആയിഷുമ്മ TV യിൽ തമ്മെ നോക്കിയിരുന്നു. വർത്തകൾക്കിടയിലെ പരസ്യംപോലും വിട്ടുകളഞ്ഞില്ല. ഇന്ന് വാർത്ത വരാൻ സാധ്യത ഉണ്ടെന്ന് പറഞ്ഞത് മോളെ പഠിപ്പിച്ച മാഷാണ്. മാഷ്ടെ മോൻ ടൗണിൽ ഒരു ചാനലിൽ ജോലിക്കാരനാണു.  'ഇനി ചില വാർത്തകൾ ഒറ്റനോട്ടത്തിൽ.  Covid രോഗികളുടെ എണ്ണം പത്തു മില്യനോട്‌ അടുക്കുന്നു.  Football കളിക്കാരിൽ ഒരു ബില്യൺ വരുമാനം നേടുന്ന ആദ്യ കളിക്കാരനാ...
Read more

പിറന്നാൾ

  നീണ്ട 12 വർഷങ്ങൾക്ക് ശേഷമാണ് അവളിൽ പുതിയൊരു ജീവൻ ഉരുവായതു.  പരാതികൾ ഇല്ലാതിരുന്നിട്ടും  ദാമ്പത്യം ദുഃഖപൂർണമാകാൻ  ഈ ഒരു കാരണം മതിയായിരുന്നു. ഇന്ന് ആ സങ്കടത്തിനു അറുതി വരുന്ന ദിവസമാണ്.  ലിസ്സമ്മയെ ലേബർ റൂമിൽ കയറ്റിയതു മുതൽ  മോനിച്ചൻ തലങ്ങും വിലങ്ങും  നടത്തമാണ്. പെട്ടന്ന് ലേബർ റൂമിൽ നിന്നും ഒരു കുഞ്ഞി ശബ്‍ദത്തെയും കൊണ്ട്  ഒരു കാറ്റ് മോനിച്ചന്റെ അടുത്ത് വന്നു.  ആ ശബ്ദത്തെ മോനിച്ചന്റെ ചെവിയുടെ  ചുവട്ടിൽ നിക്ഷേപിച്ചു കാറ്റത്തിന്റെ വഴിക്ക് പോയി. ശബ്‌ദം മോനിച്ചന്റെ ചെവിയിൽ  ളേ.... ളേ... എന്ന് മന്ത്രിച്ചു. ഒരു മാലാഖ പുറത്ത് വന്ന് പറഞ്ഞു 'ആൺകുട്ടിയാണ് '. 'ലിസമ്മ' മോനിച്ചൻ ചോദ്യം മുഴുവിപ്പിക്കും മുന്നേ, രണ്ടാളും സുഖായിരിക്കുന്നു എന്ന് പറഞ്ഞു വാതിലടഞ്ഞു. തന്റെ കുഞ്ഞിനെ കയ്യിലെടുക്കാൻ അവന്റെ മനസ് കൊതിച്ചു. അവൻ facebookൽ ഒരു പോസ്റ്റ്‌ ഇട്ടു. ഒരുപാട് ആശംസകൾ അവനെ തേടിയെത്തി. വേറെ കുഴപ്പങ്ങൾ ഒന്നുമില്ലാതിരുന്നതുകൊണ്ട് രണ്ടു ദിവസംകൊണ്ട് ഡിസ്ചാർജ് ആയി. ' ഇവനു നമ്മൾ എന്ത് പേരിടും?? ' ലിസ്സ ചോദിച്ചു. 'അലൻ' മുൻപ് എപ്പോളോ മനസ്സിൽ ഗർഭ ധരിച്ച പേരിനെ മ...
Read more